Hvernig veljum við?

Get ég tekið þátt?

Þú getur tekið þátt ef þú ert 18–66 ára, ert með rafræn skilríki og býrð eða dvelur að jafnaði á höfuðborgarsvæðinu. Það skiptir ekki máli hvar lögheimili þitt er skráð.

Af hverju ætti ég að taka þátt?

• Þú leggur þitt af mörkum til vísindarannsókna Háskóla Íslands sem auka þekkingu á mannlegri hegðun.
• Þú getur valið að fá persónulega endurgjöf um eigin hegðun. Hún berst eftir að allri rannsókninni lýkur.
• Þér kann að standa til boða tímabilskort á afslætti: strætókort hjá Strætó, líkamsræktarkort hjá Kötlu Fitness, Menningarkort eða sundkort hjá Reykjavíkurborg. Kortið er keypt í viðmóti rannsóknarinnar með greiðslukorti.
• Sumir þátttakendur fá beinar peningagreiðslur, sem leggjast inn á íslenskan bankareikning.

Hvernig tek ég þátt?

• Þú skráir þig inn með rafrænum skilríkjum.
• Þátttaka getur tekið 15 til 45 mínútur.
• Þú getur lokað viðmótinu og haldið áfram síðar.
• Þú hefur 24 klukkustundir til að ljúka þátttöku.